بكره نروّح
بكره هاشوفك
بكره يا صحرا السكة طويلة
شنطة خفيفة وزحمة كتيرة
شايل وردة
ف إيدى جواب
بكره اما أوصل أسلمهولك
بوسى الوردة.. واقرى كلامى
كنت ف ليلى باحوشهولك...ا
بكره هابوس إيد أبويا الحاج
وأرقص وأختى ف زفة أخويا
وأدفس نفسى ف حضنك يا اما
ريحة البيت واحشانى يا ناس
.
بكره نروّح
بكره هاشوفك
وامسك إيدك وسط الناس
ندخل سينما ونقعد صالة
..سامحينى دى الحالة إفلاس
بكره هاشوفك
بكره يا صحرا السكة طويلة
شنطة خفيفة وزحمة كتيرة
شايل وردة
ف إيدى جواب
بكره اما أوصل أسلمهولك
بوسى الوردة.. واقرى كلامى
كنت ف ليلى باحوشهولك...ا
بكره هابوس إيد أبويا الحاج
وأرقص وأختى ف زفة أخويا
وأدفس نفسى ف حضنك يا اما
ريحة البيت واحشانى يا ناس
.
بكره نروّح
بكره هاشوفك
وامسك إيدك وسط الناس
ندخل سينما ونقعد صالة
..سامحينى دى الحالة إفلاس
نخرج منها ونمشى شوية
نشرب حاجة وناكل ترمس
نركب مركب وسط الميه
واحشانى
وواحشنى النيــــــل
نشرب حاجة وناكل ترمس
نركب مركب وسط الميه
واحشانى
وواحشنى النيــــــل
