رسائل حزينة-7

إزاي أزغرد ..؟؟

إزاي أخلي جوه قلبي أي حاجه من الربيع ..؟؟

فضيت كاساتي .. واتملت بالريح

والحلم جوه المحزنه ممدد .. ا

إزاي أزغرد ..؟؟

ونا عشت فوق رمشك نسيم أخرس

كل الطيور من حزنها ف سدري بتبحلق

وفي حلمها الشمس تنفش شعرها .. ا

إزاي أغني وضهري محني ..؟

دنا قلت لما ف يوم أشيل اسمك على كتافي

أقدر أطير والدنيا ما تساعني

الدنيا صارت سجن مطوافي

أما مدينتي والأغاني واللي عايش واللي مات .. ا

ماقدرش أميّز ضحكه خضرا في السكات

ونا ضهري محني .. ا

شاب النسيم .. ا

أما المطر .. ا

بيرخ يشرب م التراب

ويفوت عليا يقول ما عادش الواد حيقدر ع الأغاني

صاحبي لمحني .. سألني، جاوبته

إزاي أغني وضهري محني .. ا

إزاي أزغرد ..؟؟

وف عيوني لكل شيء .. ا

نظرة عتاب. ا

*
من ديوان صهد الشتا -"رسائل حزينة-7-" للشاعر مجدى نجيب
الصورة أيضاً من أعمال الفنان مجدى نجيب

بداية

.
.
.
باختصار.. هنا هاحط الحاجات اللى بحبها . ا
.
.
.