المرسى والبحار

يا مركب العمر هو العمر كام؟.. واحد

يا عِشته كلّه .. يا ضيّعته وعليك واحد

ما تقولش أصلك وفصلك .. كلنا واحد

من أصل واحد .. ورب الكون إله واحد

تقول زماني رماني .. أو زماني اندار

تتوه في ليل الأماني .. في موج عفي و غدّار

تقول زماني عماني .. و دربي طال بي و دار

تضيع في بحر الزمن .. و تعيش غريب الدار

تلقى الحياة راحت

وإن كان زمان الزمان .. ملا لجدودك نور

و اتعصّبوا بتاج دهب في قصور من البنور

ما هم كمان إدّوا ياما .. و كل شيء بالدور

و هم برضه اللي خلّوا .. بينا الزمن ده يدور

و العالم ارتاحت

كلمات : سيد حجاب
ألحان : الموسيقار ياسر عبد الرحمن
من مسلسل المرسي والبحار- غناء: محمد الحلو 

يا بلد

والله زمان يا أبي.. فيه عجايب فيه غرايب

والنبي يا أبي...ا

هايدا صبي مانّه صبي .. هايدا ولد من هالبلد
قاتل قتيل
مش ناقِصُه تايصير مَلَك إلا القليل

امبارح فقط كاين طفل يحبي حبي
امبارح فقط

والله زمان

وين الأحبة اتفرقوا، اتشرقوا .. اتغربوا

واللي بقوا يمكن بقوا حتى الأصيل يبقى أصيل

يا بلد - ألحان وغناء مارسيل خليفة

البيانولا

البيانولا- صلاح جاهين

ولما زماني رماني عليل

نسيت كل شيء عن حبيبي الجميل

لكن هو أبداً

انا مانساهوش

نسيت مشيته وصوته كان شكله إيه

ورسمة شفايفه

ولمسة إيديه

نسيت نظراته

نسيت لون عينيه

وقوس الحواجب وسهم الرموش

لكن هو أبداً

انا ما انساهوش

نسيت إسمه وحكايته وعرفته فين

وعشنا سوى العمر

وللا يومين

وكان م البشر

وللا طير بجناحين

نسيت حتى كان له وجود أو مالوش

لكين هو.. أبداً

.

أنا مانساهوش

صلاح جاهين- جزء من "على اسم مصر"‏

ضحكة صغيرة

لو كان نصيبك كل ما تلمس قلب يموتك

قول

يــــــا رب

.

.

يارب قلبى اللى بين صوابعك

بتقلبه كيف ما تشاء

يارب نفسه فى ضحكة صغيرة

وبعدين ...يموت

ضحكة صغيرة

محمد محسن

اشعار احمد العايدى

فــوت فــى الــضى

الله حي
الله حي
وسع سكه يمر الضي
شيخنا العاشق
جي وراشق
سهمه وماشي حديً بديً
الله حى
الله حى
وسع سكه يمر الضى

ياسيد يا بدوى يا سيدنا الحسين
مدد يام هاشم يا كحل العينين
مولانا الرفاعى
يا طب الأفاعى
ياسيدى ابراهيم يا دسوقى
انتو فين
باندم عليكم ياأهل الطريقة
وجوايا شوق للغزل والحقيقة
وبرايا عالم بيشعلل حريقة
فزعنى ولسعمى وكوى قلبى كىّ

الله حى
الله
وسع سكة يمر الضى
شيخنا العاشق
جى وراشق
سهمة وماشى حديً بدي
الله حى
الله حى
وسع سكة يمر الضى

انا عشقت سلمى وغانم غواها
وانا لما باعشق مابارجعش اتوب
تاخدنى المعاصى
آدم جدى عاصى
وانا راضع معاصى
وشبعان زنوب
ولوقالوا عشق المحاسن خطيه
ألم الخطايا
وافوز بالعطية
واسافر بحلمى
سعيد المطية
عزيز الخطاوى
مايلوينى شىّ

الله حى
الله حى
وسع سكة يمر الضى
شيخنا العاشق
جى وراشق
سهمه وماشى حديً بدي
الله حى
الله حى
وسع سكة يمر الضى

وغانم ياسلمى يحب السلامة
ولجل المغانم يبيع العمامة
ويبعد ويقرب
ويعشق لمأرب
وف الجد يهرب ليوم القيامة
وأنا اللى ف هواكى سبقت المعاد
يا سلمى ياعشق البنات والولاد
وطلعت صورتك
ف كل البلاد
وكبرت فيها الأمل فى اللى جى

ّ
الله حى
الله حىّ
وسع سكة يمر الضىّ
شيخنا العاشق
جى وراشق
سهمه حديً بدي
الله حىّ
الله حىّ
وسع سكة يمر الضىّ

ياسيدنا الأمام ياحسين يا شهيد
وهلبت عالمورأيك سديد
لمين ود سلمى
ف شرع الطريق
ومين القريب
ومين البعيد
ومين اللى باقى
ومين اللى شايل
ومين اللى طايل
ومين اللى يثبت
ف وقت الهوايل
ومين فينا ميت
ومين اللى حى

الله حىّ
الله حىّ
غانم رايح
عاشق جىّ
شيخنا الشايب
ماشى وسايب
كلمة بسيطة لأهل الحىّ
كل ماتمشى قدم ع السكة
كل السكة ماتشبع ضىّ

الله حىّ
الله حىّ
فوت ف السكة
تشوف الضىّ

حلقة ذكر

احمد فؤاد نجم

التصويرة الأولى

مى فتحى

التصويرة التانية

تسنيم فهيد

وأقدر أعيش أقدر

ما تفتكرش إني باتعب لما بتسافر

أنا بس بانساك .. واعافر

في الدنيا من غير أخ

ما تفتكرش إني شاعر

انت مش فاهم

أصل الغُنا زهرة

زهرة في كل المواسم

يا خسارة ما بتطلعش

ما تفتكرش إني نعش

أو كبايات فاضية

أنا كبايات عصير قصب مليانة ع الآخر

والخلق ما بتشربش

ما تفتكرش إني تاجر

نُور و رُولمان بِلْي

مصفحات .. من عيون الناس بتتفجَّر

وانت العيون والبضاعة وزيطة المتجر

والأرض بنشارة خشب مفروشة تِتْدارى

دم الشجي ما يبانش

وإن كنت فاكر

يا نني عيني إني باتعب لما بتسافر

كل الحمام هاجِر

كل النسايم خناجر

كل العيون طالعة في الصورة ..

ولا بتلمعش

فكرتني بالذي من مَطْرَحُه اتَّاخِر

علشان يقَعَّدني أكتب شعر وأذاكر

فكرتني بالمباخر .

.بالجمر تحت البحور

من عشق شمس بنوت بتتبخر

أنا مش باحبك .. بس باتبخر

وأقدر أعيش .. أقدر

لما تاخدني المراكب

وانت مش راكب ..

واخبِّي تحت المراتب قلبي حُق بُخور

ما تشدنيش من شعري يا عصفور

أنا مش ح أطير والحبيب من كل نور غايب

الأرض زُهرية فاضية واللبن رايب

والليل معبِّي ف زكايب في انتظار النور

بهاء جاهين – من ديوان "كوفية صوف للشتا" – دار ميريت - 2003

انت حــر

.

.

انت حر

تبدأ قصيدتك بالغزل

أو بالخجل من ليلة الحزن الأخير

مجروح بتنزف شعر

ولا ابتسامتك صدقة على روحك؟

يهوزا مش خاين

والفضة مش مغرية؟

.

.

منتصر حجازي- لحظة هروب

حرما يا سيدى

صلينا الفجر فين

صلينا في الحسين

والازهر والامام والسيدة المقام

في سندس ندي

حرما يا سيدي

ثم القلب استخار الرحمن الرحيم

زرنا سيدي ابراهيم

فى قرب الموعد

وقد اجتزنا الي شيخ العرب

في بحر من ترف

اصحاب المولد

حرما يا سيدي

صلينا الفجر فين

صلينا في الحسين

وسجدنا في براح السيده نفيسه

اذ قال جدها

الارض مسجدي

وبدمع من سماح

قربت الي السماء

الارض المستغيثه وبلال مسعد

حرما يا سيدي



صلينا الفجر فين

صلينا في الحسين

وبدمعي فهو عيني

وبريش من جناح

نورت القبلتين للطير المهتدي

ولقد كان المطيف يدعي عبد اللطيف

سلمت ولم يزل المسك في يدي

حرما يا سيدي


صلينا الفجر فين

صلينا فى الحسين

******

مع ان اغانى رمضان كتيرة

وانا بحبها كلها جدا

بس دايما ارتبط عندى رمضان بالاغنية دى وعلى بيغنيها بصوته الدافى

حرما يا سيدى

كلمات : فؤاد حداد

ألحان : حسين فوزى

هو العصفور اذا

بداخل كلا منا

عصفور

يبحث

عن مقهاه

ويضيع العمر

ولا يلقاه

سوزان عليوان
مخبأ الملائكة

واخطفني

وكاتب لي

ياما في رسايل

وراسم لي

قلبك .. مش ساهل

متلوّن

بالأخضر .. عاشق

بيجنّن

اللون الرايق

وتملّي مرسوم في خيالي

خيال

لاكن دا خيالي

ح يحبك .. وقت ما يحلالي

وكاتب لي .. ياما في رسايل

ما بحبش

تيجي وترسمني

وتزعل

أفراحي ف عشي

أو تكتب

أحزان على وشي

فرّجني

على شيء غير عادي

على حلم

غير دا اللي قُصادي

فرّحني

طيّر أحزاني

واخطفني

من حزن الماضي

وتملّي

مرسوم في خيالي

خيال

لكن دا خيالي

ح يحبك

وقت ما يحلالي

مجدي نجيب- ديوان ممكن

رباعيات للوحدة

تسلم يا غصن الخوخ يا عود الحطب
بييجي الربيع .. تطلع زهورك عجب
و أنا ليه بيمضي ربيع وييجي ربيع
و لسه برضك قلبي حتة خشب
...


يا ميت ندامه ع القلوب الخلا
لا محبة فيها و لا كراهه ولا
حتي يا قلبي الحزن ما عادش فيك
معلهش .. لك يوم برضه راح تتملا
...




نسمة ربيع لكن بتكوي الوشوش
طيور جميلة بس من غير عشوش
قلوب بتخفق.. إنما وحدها
هي الحياة كده.. كلها في الفاشوش
...


إيديا في جيوبى وقلبى طِرب
سارح في غربة.. بس مش مغترب
وحدى.. لكين ونسان وماشى كده
بابتعد معرفش أو باقترب
...

عجبـــــــــــــــــــــــــــــــــي!!ا

يا عاقد الحاجبين

يـاعاقد الـحاجبين على الجبين اللجين
إن كنت تقصد قتلي قـتلتني مـرتين

مـاذا يـريبك مني ومـاهممت بـشين
أصُـفرةٌ في جبيني أم رعشة في اليدين

تَـمر قـفز غزالٍ بين الرصيف وبيني
وما نصبت شباكي ولا أذنت لـعيني

يا عاقد الحاجبين

تـبدو كأن لاتراني ومـلء عينك عيني
ومـثل فعلك فعلي ويلي من الأحمقين

مولاي لم تبق مني حـياً سوى رمقين
صبرت حتى براني وجدي وقرب حيني
ستحرم الشعر مني وليس هـذا بهين
أخاف تدعو القوافي عليك في المشرقين



كلمات الأخطل الصغير
بصوت فيروز

المرجيحة

متأسف
مع إني عارف
إنك لسه متعلمتيش
تزعلي من حد..‏
كنتي صغيرة خالص
لما كنت بازقك بالمرجيحة
الطالعة النازلة..‏
وفجأة سبتك
وسبت الجنينة كلها
وكبرت..‏
دلوقتي لما بافتكرك
في جنتك اللعبة
بتراقبي العصافير
فاكراها بتتمرجح وياكي
وأبص لنفسي
مابلاقيش بيننا أي فروق
غير يمكن حبة أحزان
اتشعبطوا فيا
كأنهم أولادي..‏
بصراحة أنا باتلكك
وانتي اللى جيتيلي برجليكي امبارح فـ الحلم
والصبح لقيت نفسي هنا..‏
أنا عارف
إنك لسه مابتعرفيش تستهجي الحروف
وإن باب الجنينة أكيد صدّى
بعد عشرين سنة من الأكسدة المتواصلة‏
وعشان كده
مش هاتخطى حدودي..‏
أنا واقف بره أهو
ومش طالب منك
غير ضحكة واحدة
بس تكون بأعلى صوت عندك..‏
يعني ممكن تضحكيها
لحظة طلوع المرجيحة
زي عوايدك..
ضحكة واحدة بس
عشان أتأكد..‏
إنك لسه
موجودة.‏

محمد خير
من ديوان 'بارانويا'
‏

لحظة عطش

إيه اللى اتغير جوايا
خلانى أفكر مليون مرة
قبل ما أخطى
عرانى من خلقاتى العطشانة
لألوانها الباهتة
ورمانى ف حضن الخوف
؟؟‎إيه اللى اتغير
ا
أنا أنهو ف كل التايهين
أنا واحد
ولا كتير لملمهم جسمى
وسكنونى
وبقيت برايا..
ا
إيه اللى اتغير جوايا
فتفتنى حاجات وحاجات
بتخاف من بعضيها
وسقانى كتير
لحد ما عطشت كل حواسى
لطعم الموت
خد سدرى بعيد
خباه ف الوجع النايم فيه

إيه اللى سافر فيّا
مش راجع
إيه؟!!! ا

مغلوب على أمرى
ولا انتفاضة دمى
لسة معشمانى بالرجوع؟ ا
مسلوبة منى الأسئلة
ولا الكلام ف الحلق مستسلم
وراضى بالسكوت؟ ا
الخوف بيتهجانى
ولا الضحكة ماتت فيا خوف؟ ا
أنا ضهرى مادد حيله
ولا المنحنى شكلى؟ا‎
أنا إيه؟ ا

التفسيرات الممكنة
حولها شكلى للجنون
والحلم مكسور الجناح
بايت ف عشة ف الخلا
رعشة إيديه
بتاخدنى للشمس اللى غابت من زمن
خلتنى أتمنى يموت
يا يموت يا أموت
..الحالة واحدة
والمعايشة كلها شكلى
..
.
لحظة جنون الاسئلة
الشمس بتغيم
لكن مابتمطرش
والحلم مبيخرجش من كفن الغروب
وباحاول انزع منى خوفى
القى انتفاضة دمى لسه معشمانى بالرجوع
فأتوه مع اليوم المسافر للحنين
وتاخدنى نفسى للبراح
فأشتهى
.‎لحظة جنون

قصيدة (لحظة عطش) من ديوان( هل ممكن اخرج منى)..لشاعر عامية إبراهيم حامد

الشوارع حواديت

الشوارع حواديت
حواديه الحب فيها
وحودايه...عفاريت
اسمعي يا حلوة لما اضحكك

الشارع دا كنا ساكنين فيه زمان
كل يوم بيضيق زيادة عن ما كان
أصبح الآن بعد ما كبرنا عليه
زي بطن الأم مالناش فيه مكان

الشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك

الشارع دا روحنا فيه المدرسة
اللي باقي منه باقي
واللي مش باقي...اتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت

واسمعي يا حلوة لما أضحكك

الشارع دا أوله بساتين
وآخره حيطة سد
ليا فيه قصة غرام ماحكيتش عنها لأي حد
من طرف واحد وكنت سعيد أوي
بس حراس الشوارع حطوا للحدودته حد

واسمعي يا حلو لما أضحكك

الشارع دا شفتك إنتي ماشية فيه
لابسة جيب وبلوزة وردي
وعاملة ديل حصان وجيه
اتجاهك اتجاهي...مشينا ليه
والشارع دا زحام وتيه
بس لازم نستميت

والشوارع حواديت
حودايه الحب فيها
وحودايه...عفاريت
اضحكي يا حلوة لما اسمّعك

.

الشوارع حواديت
شعر: صلاح جاهين
لحن: هاني شنودة
غناء: فرقة المصريين
بالاشتراك مع صلاح جاهين

ديباجة

ربما ننفق كل العمر

.. كي نثقب ثغرة

ليمر النور للأجيال

مرة

**********

أهداء وقبلة الى روحه

الكلمات من

ديباجة لامل دنقل

ديوان

البكاء بين يدى زرقاء اليمامة

أقراص المسكن

ا-منطق السكاكين-‏‏

اتخذَت كآبتي

شكلك

واسمك،ا

واجتذبتني في القاع..ا

في جب الموت وعود

بسعادة الحياة

من فضلك

لا تعلب بسكاكينك البريئة

بالقرب من قلبي..!ا


-انعكاس-

للرحلة في الرحلة
.مذاق المغامرة البعيدة

للغربة
في الغربة
.مرارة الموت القريب


-وسواس قهري-

بين يدي والصنبور
علاقة
.تغسل الآثام

ليت لعيني
علاقة كهذه
.مع المرآة


-التابوت-

اختارها تابوتاً له
وأحبها
بكل ما تبقى فيه من قلب

وفي الليلة الأولى أهداها
خاتماً ووردة
وأهدى جسدها بريق سكينه

فصار حضنه
،تابوتها
وصارت هي
.جثته المفضلة


ا

(من (أقراص المسكن
ديوان لهاني سامي- دار ملامح

فوضى الخلاء

جزمتي

ها أنا أتحرك

، بكل حريتي،

في قلبك

وأنا لابس جزمتي.

أشرب فيه القهوة

وأدخن سجائري

لا

حرام

لن أطفئها في جدرانه.

أف ف ف ف

ما كل هذا البرد

هذه العتمة

هذا الخلاء الواسع

كل هذه الكراكيب؟

قلم

جس الطبيب خافقي
و قال لي :
هل هنا الألم ؟
قلت له : نعم
فشق بالشرط جيب معطفي
و أخرج القلم ؟

هز الطبيب رأسه ... و مال و ابتسم
و قال لي :
ليس سوى قلم
فقلت : لا يا سيدي
هذا يدٌ و فم
رصاصةٌ و دم
و تهمةٌ سافرةٌ .. تمشي بلا قدم !

احمد مطر

قلم رصاص