المرة دى مش حاجة
المرة دى حد
حد مهم اوى ليا وللحاجات
ومش عارفة اقولها ايه غير انى بحبك اوى يا بريئة
ودى منى ليكى عشان فعلا بتفكرنى بيكى
********
باوصيكي بالضحكه الحلوه ما تهرب
من ضيّ
عنيكي
بسلام .. وكلام الصدق الدفيان
يفضل لمسُه بيتجدد
بين حضن إيديكي
مستغرب أتمسكن على شط عنيكي
أو تاني أراضيكي
حتى .. لما بداديكي
بلاقيكي
دايمًا في عيونك أشباح الخوف ..
وبحار الحزن المجنونه
بنخاف
من إيه ح نخاف
طول ما الحب معانا
طعم الفرحه ما ينسانا
طول ما بنرسم بيتنا على شجر الفل
عمر الضلمه ما تسكن جوّانا
لو فاضت أنهار الحزن
راح نجري على أقرب مينا للحب ..
نقعد .. نتسلطن
طبعًا ممكن
انتي الوعد ومكتوبلي
وانت منقوش على توبي
على سدري وأوراقي ومشاويري
يا حبيبتي
******
مجدى نجيب
الوصايا
