من بحر للتانى
الغربة واخدانى
معرفش فين بتروح
..
أيام معدية
هى الحياة فيا
ولا حلاوة روح
؟!
كل اللى انا فاكراه انى ماودعتكش
خدنى الطريق وياه
غنيتلى ماسمعتكش
وبدأت أحزانى
..
.
ياريتنى أكون موجة
مرة ف يوم هوجة
اخرج عن التيار
احضن ملايتنا
وابوس حيطان بيتنا
واكون له ألف نهار
مين علمك تسكت
ياموج يا ابو الأحباب
باتمنى يوم ترجع
جايبلى ألف جواب
ولا مرة تنسانى
..
ايه اللى فاضلى
نفسى يطول ضلى
يوصل لشارعنا
يضحك لأصحابى
وينام على كتابى
والصبح يجمعنا
آخر وعودك ايه يا حلم زى الضى
بتزيد ف بعدك ليه
وان قلت مره جاى
ليه
تنسى
عنوانى
؟
!
من بحر للتانى-أمل وهبى
Listen
