من غير ما تتكلمى
مدى العيون سلمى
فوق الحيطان ارسمى الحلم متفسر
وبكره جاى أخضر
وانتى بتتبسمى
..
.
من غير ما تتكلمى قلبى المغنى قال
فى الغربة ميت موال لعنيكى والترحال
وانا من زمان ليكى.. عاشق دفا عنيكى
فى سكاتى باناديكى
فى غنايا تتنسمى
..
.
من غير ما تتكلمى غنى على الطرقات
للجاى واللى فات
فى ضلوعى شوق بيبات
وانتى اللى اشواقى
عمر الهوى الباقى
عمرى اللى بيلاقى وياكى خير موسمى
..
من غير ماتتكلمى
على الحجار
كلمات: حسن رياض
ألحان: جمال عطية
