اللقاء الثانى

زي الهوا ساير وخيال الطيف
أحلي سنين العمر بيننا تمر
يا نعيش هوانا حلم ليلة صيف
يا تتوه خطانا في ليل شتانا المر

ولما تتلاقي الوشوش مرتين..
مبيتلاقوش يوم اللقا التاني..
عمر الوشوش ما بتبقي بعد السنين
نفس الوشوش دي بتبقي شئ تاني

بتبدل الأيام ملامحنا
ترعشنا.. تنعشنا.. تشوشنا
يا تري اللي بيعيش الزمن إحنا
ولا الزمن هوا اللي بيعيشنا..

اللقاء الثانى

الموسيقى عمر خيرت

الغناء:على الحجار وحنان ماضى

الكلمات:سيد حجاب