ذكرى بعيدة

كان فيه شجن شفيف
(أظنه كان شفيــــف)

وصوت راديو ضعيف
(ويمكن صوته عالـى)

وشجرة فى العلالـــــى
ورقها له حفيــــــــــف
(فاكر صوت الحفيـف)

كان يوم كأنه عــــــادى
النيل كان وشه هـــــادى
(ماظنش كان عنيـــف)
وحـــــر حــــر جـــــداً

كان حر زى النـــــــــار
لو مسمار ينتنــــــــــى

وتلات فتيات صغـــــــار
فـاكــر!! لابسين مينـى

وميـــن يحــــب ميـــــن
وفجأه خمسه يونيه سنة سبعه وستين

ذكرى بعيدة- عمر الصاوى