يا ليالي
قولي للغالي
نجّيني
من حزني العادي
..مش غاوي
أوْصل في ميعادي
ولا عاشق
بايخ وباعادي
..دَنا أصلاً
عفوًا .. أنا عادي
باتصرّف
وباخرّف .. عادي
..
.
باتصرّف
وكتير مش راضي
..
.
ونا لازم
ولا بد راح أسكُن
في عالم
حلو .. وبيسامح
..لوْ ظالم
حقك تدبحني
لوْ جارح
حقك تجرحني
..أنا ياما
فرقعت في قلبي
ملايين
ضحكات مجنونه
وجنوني
مش أدّ العالم
ولا هوّه
أدي
..
.
لاكنّي
يا صاحبي باعيّط
وكئنّي
كتكوت متشرّد
أو شايب
إحساسُه اتبلّد
تسألني
أنا لازم أغيّر
بالطبع
أنا عاجز أفكّر
كمواطن
ياما شُفت عقول
وَهِي راحت
خلف المجهول
أنا أصلي
مابحبش أقول
وكفايه
أنا عفوًا يمكن
ممنوع من قولة معقول
معقول
ح تسيبني حكايه
مالهاش أيّتُها نهايه
أرجوك
كمّل حواديتك
أنا عاشق
وماحبش عاشق
يرسمني
باللون الغامق
أنا دايمًا
كتكوت متشرّد
ونا باحسب ظلمي بدقايق
تدّايق
ده حقك دايمًا
تتحادق
لأه .. ما ينفعشي
ولا يمكن أسمحْ لك تمشي
بالحزن وتلوّن وشّي
والجايز
إني مش عايز
ودي حاله
لاكني .. مُحاله
أعشق
أيتها حكايه
مالهاش في الأصل نهايه. ا
